22 Nov 2026
செய்திகள்

“காலணியின்றி இறுதி ஊர்வலத்தில் நடந்த முதலமைச்சர் விஜய்… வி.எஸ். பாபுவுக்கு இறுதி மரியாதை!”

கொளத்தூர் சட்டமன்ற உறுப்பினரின் இறுதி ஊர்வலத்தில், பெரம்பூரிலிருந்து திரு.வி.க. நகர் மயானம் வரை வெறுங்காலுடன் நடந்த முதல்வர்!
பகிரவும் WhatsApp
“காலணியின்றி இறுதி ஊர்வலத்தில் நடந்த முதலமைச்சர் விஜய்… வி.எஸ். பாபுவுக்கு இறுதி மரியாதை!”
கொளத்தூர் சட்டமன்ற உறுப்பினரின் இறுதி ஊர்வலத்தில், பெரம்பூரிலிருந்து திரு.வி.க. நகர் மயானம் வரை வெறுங்காலுடன் நடந்த முதல்வர்!
அவள் அரண்
செய்தியாளர்
1 நாட்களுக்கு முன்னர்
வாசிக்கும் நேரம்: 1 நிமிடங்கள்

சென்னை கொளத்தூர் சட்டமன்ற உறுப்பினர் வி.எஸ். பாபுவின் இறுதி ஊர்வலத்தில், தமிழக முதலமைச்சர் சி. ஜோசப் விஜய் காலணியின்றி நடந்து சென்று, அவரது உடலைத் தனது தோளில் சுமந்த நிகழ்வு பலரது கவனத்தையும் ஈர்த்துள்ளது.

உடல்நலக் குறைவு காரணமாகச் சென்னையில் உள்ள தனியார் மருத்துவமனையில் சிகிச்சை பெற்று வந்த வி.எஸ். பாபு (75), நவம்பர் 19ஆம் தேதி காலமானார். அவரது மறைவுக்கு முதலமைச்சர் விஜய் உள்ளிட்ட பல்வேறு அரசியல் கட்சித் தலைவர்கள் இரங்கல் தெரிவித்தனர்.

தோளில் சுமந்து இறுதி மரியாதை

நவம்பர் 20ஆம் தேதி பெரம்பூரில் உள்ள வி.எஸ். பாபுவின் இல்லத்திற்குச் சென்ற முதலமைச்சர் விஜய், அவரது உடலுக்கு இறுதி அஞ்சலி செலுத்தினார். பின்னர் குடும்பத்தினருக்கு ஆறுதல் தெரிவித்தார்.

இறுதி ஊர்வலம் தொடங்கியபோது, மலர்களால் அலங்கரிக்கப்பட்டு, தமிழக வெற்றிக் கழகக் கொடி போர்த்தப்பட்டிருந்த வி.எஸ். பாபுவின் உடலை மற்றவர்களுடன் இணைந்து தனது தோளில் வெறுங்காலுடன் சுமந்து சென்றார்.

தொடர்ந்து, இறுதி ஊர்வல வாகனத்தின் அருகே காலணியின்றி நடந்து சென்ற விஜய், திரு.வி.க. நகரில் உள்ள மின் மயானம் வரை ஊர்வலத்தில் பங்கேற்றார். இந்த நிகழ்வு தொடர்பான புகைப்படங்களும் காணொளிகளும் வெளியாகியுள்ளன.

 

அரசியல் தலைவர்கள் பங்கேற்பு

இறுதி ஊர்வலத்தில் மதிமுக பொதுச் செயலாளர் வைகோ, தமிழக அமைச்சர்கள், சட்டமன்ற உறுப்பினர்கள், தமிழக வெற்றிக் கழக நிர்வாகிகள், தொண்டர்கள் மற்றும் பொதுமக்கள் பங்கேற்றனர்.

பெரம்பூரிலிருந்து புறப்பட்ட இறுதி ஊர்வலம் திரு.வி.க. நகர் பல்லவன் சாலையில் உள்ள தாங்கல் மின் மயானத்தை அடைந்தது. அங்கு வி.எஸ். பாபுவின் உடல் தகனம் செய்யப்பட்டது.